Poezi & POEMA – @Kadare

Kadare i shkroi disa prej veprave të tij më të rëndësishme në vargje të lira, duke përvetësuar vlera të rëndësishme të vjershërimit tradicional, prej De Radës deri tek Migieni. Në fillimet e veta ishte i ndikuar prej poezisë ruse, veçmas prej Majakovskit. Poezia intime e Kadaresë është mjaft e ngrohtë, e drejtpërdrejt, një bashkëbisedim me të dashurën që përgiithësisht është larg si vend apo si kohë:

Do shkoj të ulem përmbi pellgjet,
Të pi në gjunjë duke rënë,
Në grykë e di që do më ngelet
I ftohti medaljon i hënës.

Gjithashtu poezia intime e Kadaresë përshkruhet nga malli për qytetin e lindjes, për njerëzit që lanë gjurmë në fëmijërinë e tij,për atdheun kur ndodhet larg tij, për kohën studentore, vajzat dhe rrugët e Moskës kur është në atdhe, e mbi të gjitha, për vajzën që le gjurmë në shpirtin e tij, por që përgjithësisht ndodhet larg.

Kadare Pas darkave.

 

Pas Darke

Qelqet e lodhura të gotave
Rrëzëllojnë zbehtë. Më pas
Gjithë natën mallëngjyeshëm do kujtojmë
Buzë të bukura grash.

Në mëngjes te lavamani i bardhë
Ujët do të vërshojë me furi.
Dhe qelqi, si pas heqjes së kujtesës
Do të ndritë, steril përsëri

Ndonëse, ndoshta, po ta shohësh me kujdes
Një spikamë do ketë mbetur zbehtë.
Sa darka do të duheshin vallë
Për të ngjallur të akulltin qelq?

Sa dihatje, frymëmarrje, buzë
Të bukura grash..Ku ta dish
Por gjatë udhës drejt ndërgjegjësimit
Qelqi do të thyhej natyrisht

Dhe në rënien e tij Kristalore,
Në përndritjen e fundit tek plas
Do të ketë si ofshamë të fundit
Të qeshura e lotë grash.                                  KADARE 1984

 

Ein Kommentar

Schreibe einen Kommentar

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s

This site uses Akismet to reduce spam. Learn how your comment data is processed.